Bizning zimmamizda, nafaqat Doppelherz brendi sifatida, balki Queisser Pharma GmbH & Co. KG kompaniyasi sifatida ham, global isishni cheklash, inson faoliyati natijasida yuzaga keladigan CO2e gazlari chiqindisini kamaytirish, shuningdek, mahsulot qadoqlarida imkon qadar plastikdan foydalanmaslik bo‘yicha ijtimoiy mas’uliyat bor.
Kelajakka nazar
Queisser Pharma GmbH & Co. KG mahsulotlari ortiqcha chiqindilar va iqlimga zarar yetkazishning oldini olish maqsadida ishlab chiqariladi. Kelgusida mahsulot qadoqlari uchun barqaror materiallardan foydalanish va qadoqlash materiallarini yanada kamaytirish bo‘yicha aniq maqsadlar qo‘ymoqdamiz. Hozirgacha erishilgan tejamkorlik natijalari va qadoqlash materiallarini uzoq muddatli kamaytirish orqali biz atrof-muhit va iqlim muhofazasiga faol hissa qo‘shmoqdamiz. Qo‘shimcha ma’lumotni bu yerda topishingiz mumkin.
Karbon dioksid, asosan, qadoq ishlab chiqarish jarayonida chiqariladi va biz kelajakda bu miqdorni yanada kamaytirishni maqsad qilganmiz. Afsuski, ishlab chiqarish jarayonidagi CO2e chiqindilarining oldini to‘liq olishning imkoni yo‘q. Biz doimiy ravishda mahsulotlarimiz qadoqlari uchun atrof-muhitga zarar yetkazmaydigan materiallardan foydalanish borasida yechim izlaymiz.
Tarkibiy qismlar va barqarorlik
Mahsulotlarimizning asosiy mezoni tarkibidagi moddalarning yuqori sifatga ega bo‘lishidir. Turli sifat yorliqlari va standartlari xomashyo hamda faol moddalarning tozaligi va ekologik barqarorligini tasdiqlaydi.
Ekologik mas’uliyat
Resurslarni tejash biz uchun muhim ahamiyatga ega. 1997-yilda DIN EN ISO 14001* ekologik standarti bo‘yicha sertikatga ega bo‘ldik. Ushbu standartning asosiy maqsadi atrof-muhit ko‘rsatkichlarini doimiy ravishda yaxshilash va ekologik qonunlarga rioya qilishni ta’minlashdir. Shuningdek, 2016-yilda huquqiy talablar asosida DIN EN 50001* standarti bo‘yicha ham sertifikat olgan ilk kompaniyalardan biriga aylandik. Bundan tashqari, kompaniyamiz ichida energiya oqimlarini kuzatish va energiya samaradorligini baholashga asoslangan energiya boshqaruv tizimini joriy qildik. Ushbu baholash natijalari asosida energiya samaradorligini oshirishga qaratilgan texnik chora-tadbirlar ishlab chiqildi. Natijada, suv va energiya resurslaridan barqaror foydalanish imkoniga ega bo‘ldik. Hozirda DIN EN 16247-1* standarti bo‘yicha sertifikatsiya jarayoni davom etmoqda – energiya samaradorligi Queisser Pharma GmbH & Co. KG uchun ustuvor masala bo‘lib qolmoqda.
*Ushbu bo‘limda keltirilgan sertifikatlar kompaniyamizning bosh qarorgohi joylashgan Germaniyaning Flensburg/Handevit hududiga tegishlidir.
Mahsulot ishlab chiqarish jarayoni ham ekologik me’yorlarga mos ravishda amalga oshiriladi. Xomashyo sifati va shartnoma asosida ishlab chiqaruvchilarning atrof-muhitga ta’siri muntazam ravishda baholab boriladi.
Queisser Pharma 100% ekologik toza “yashil” energiyadan foydalanadi. Shu tariqa biz atrof-muhit himoyasi va iqlim muhofazasiga barqaror hissa qo‘shamiz. Biz yashil energiyani qayta tiklanuvchi energiya manbayi bo‘lgan gidroelektrostansiyalardan olamiz. Mahalliy energiya ta’minotchimizning tegishli sertifikatini BU YERDA topishingiz mumkin.
Queisser Pharma kompaniyasining iqlimni muhofaza qilish choralari haqida batafsil ma’lumotni kompaniyamizning rasmiy veb-saytidan topishingiz mumkin.